Polkovnikə məktub yoxdur

Qabriel Qarsiya Markes 

Bu gün " Polkovnikə məktub yoxdur " əsəri haqqında danışacağıq.

Kitab kiçik həcimli olduğuna görə qısa zaman içində bitirəcəyinizi düşünürəm.Bu əsər Qabriel Qarsiya Markesin  1956-1957-ci illərdə yazılmış və ilk dəfə 1961-ci ildə dərc edilmiş novellasıdır.

Novellada hadisələr balaca Kolumbiya şəhərciyində 1956-cı ildə baş verir. Baş qəhrəman Min Günlük müharibənin veteranı olan 75 yaşlı polkovnikdir. O arvadı ilə şəhərciyin kənarında yaşayır və oğlu Aqustin öldürüləndən sonra onlar yoxsulluqdan əziyyət çəkirlər. Polkovnik müharibə veteranı kimi ona təyin edilməli olan pensiya barəsində uzun illərdir ki, paytaxtdan məktub gözləyir. Lakin ona heç kim yazmır.

Qoca bütün ümidlərini döyüş xoruzuna bağlayır. Yanvar ayında xoruz döyüşləri başlamalıdır. Polkovnik və onun arvadı yeməyə bir şey tapmasalar da, o , öz xoruzunu yaxşı yemləyir və xoruzu satmaq təkliflərini rədd edir

Qeyd edim ki,mən kitabı oxuyarkən bəzi bölümlərində təsirləndim.Düşünürəm ki,siz də bu hissləri yaşayacaqsınız.Kitab bəlkə də diqqətinizi o qədər də çəkməyəcək ancaq önyargılı olmayaq.

Kitabdan seçdiyim sitatlar :

Çətirlər nədənsə mənə ölümü xatırladır

Kasıbçılığın ən pis cəhəti odur ki, o səni yalan danışmağa məcbur edir.

Elə satmaq lazımdır ki, sanki sən özün alırsan.

Mən şlyapa taxmıram ki, heç kimin qarşısında da onu çıxarmayım

Yüz ilin tənhalığı  Qabriel Qarsia Markes

Öncəliklə kitabın yazarı haqqında qısa məlumat vermək istərdim :  — Kolumbiyalı yazıçı, jurnalist, siyasi xadim, 1982–ci ildə Ədəbiyyat üzrə Nobel mükafatı laureatı.

1967–ci ildə cəmiyyətə "100 ilin tənhalığı" (isp. Cien anos de soledad) romanı təqdim edilir. Bu romanda Makonda kəndi (Arakataka şəhərinin Markes uşaqlığını keçirtdiyi kəndidir.) özündə Latın Amerikasını simvollaşdırır, onun yaradıcısı Buendina isə özünün kökünü və dünyanın tarixini əks etidirir. Romanı ilk dəfədən demək olar ki, dünyanın bütün dillərinə çevirməyə başlayırlar. Həmçinin bütün tənqidçilər, oxucular ədəbiyyatın müasir şah əsərini açıq ürəklə qəbul edir. Latın Amerikasında sanki partlayış olur və Markesi realizmin banisi adlandırırlar. Tezlikdə Markes Barselonaya köçür. Ona Nyu Yorkda Kolimbiya Universitetinin fəxri doktoru adı verilir.

________________________________________________________________________________

 Digər kitablarıma nəzərən bu kitabı gec bitirdim.Bunda səbəb isə kitabda cərəyan edən hadisələrin qarışıq olması idi.Eyni zamanda kitabdaki orbazların adları eynidir.

Kitab haqqında şəxsi fikrim isə budur ki,kitab ilk başlarda mənim diqqətimi çəkmirdi.Lakin sonradan kitabın yarısına gəldikdə kitab məndə o qədər maraq oyatdı ki,kitabdan ayrıla bilmirdim.

 Kitabı oxuduğunuz zaman kitabdaki obrazlar sizin başınızı nə qədər qarışdırsa da kitabı diqqətlə oxumağa çalışın bu zaman kitaba bağlanacaqsınız.

 Mən təkcə bu kitabda deyil oxuduğum bütün kitablarda özümü oradaki obrazların yerinə qoyur,bütün hadisələri gözümün önünə gətirirdim.İnanın bu cür etdikdə sizdə kitabı oxumağa daha çox həvəs alınacaq...

Oxuduğum kitablardan sitatlar ayırmağı sevirəm.Bu kitabda da bəyəndiyim cümlələr :

• Adamların özləri birinci dərəcəli vaqonlarda səfər eləyib, kitabları yük vaqonlarında daşımağa başladıqları gün dünyanın axrı olacaq.
•  Adam ölməli olduğu vaxtda deyil, ölməyi bacaranda ölür. 

•  Allahsızlığın mərkəzində Allaha dua eləməyə gəlsinlər.
• İnsanın doğma adamını basdırmadığı torpağa bağlılığı ola bilməz. 

Bu qədər ) Digər kitab fikirlərimə qədər görüşənədək :) 

Mən və bloggerliyə giriş

Hamıya salam !

Bu gün 4iyun.2016 tarixində ilk blogumu açıram.Blogu açmaqda məqsədim insanlarda kitab oxumaq həvəsini oyatmaqdır.Məlum dövrümüz texnologiyalar dövrü olduğuna görə hər kəs telefon və kompyuterləri daha çox tövsiyə edir.Lakin unutmayaq ki,kitablar zamanı faydalı keçirmək üçün ən gözəl vasitədir.Mənə görə kitablar ürəyə açılan bir pəncərədir.Hər bir insanın oxuduğu kitab onun xatakterinin göstəricisidir məncə.Mən bu blogda oxuduğum kitablar haqqında ayrıntılı fikirlərimi paylaşacam.İnşallah blogum böyüyər və bir çox insanlarda kitab sevgisi oyadaram.Bu məqsədimə nasil olmaq üçün isə çalışacağam.

 Baxmayaraq ki,yaşım kiçikdir kitab oxumağa yetərincə zaman ayırdığımı düşünürəm...

Sağ olun.Gününüz uğurlu olsun.